Jun 28, 2025
EU4Digital ŞT klasterlərini “Klasterlərin regionlarla görüşü” adlı tədbirə dəvət edir
EU4Digital proqramı Şərq Tərəfdaşlığı (ŞT) ölkələrində fəaliyyət göstərən klaster təşkilatlarını 1-2 iyul 2025-ci il tarixində Rumıniyanın Kluj-Napoka şəhərində keçiriləcək “Klasterlərin regionlarla görüşü” adlı tədbirdə iştirak etməyə dəvət edir. Avropa Klasterlərin Əməkdaşlıq Platforması (ECCP) tərəfindən təşkil olunan bu flaqman tədbir bilik və təcrübə mübadiləsi, eləcə də yeni tərəfdaşlıqların qurulması məqsədilə klasterlərin rəhbərlərini, siyasət müəyyənləşdirən qurumların, biznesə dəstək təşkilatlarının və innovasiya təşkilatlarının nümayəndələrini bir araya gətirəcək.
Kənd təsərrüfatı məhsullarının istehsalı, yaşıl enerji, ağac və mebel, dizayn, 4-cü sənaye inqilabı və rəqəmsal transformasiya kimi əsas iqtisadi və innovasiya sektorlarına həsr olunmuş tədbir Avropa İttifaqı (Aİ) və Şərq Tərəfdaşlığı (ŞT) regionu –Azərbaycan, Ermənistan, Gürcüstan, Moldova və Ukrayna klaster ekosistemləri arasında yüksək əməkdaşlıq potensialına malik sahələri əhatə edir.
EU4Digital transsərhəd əməkdaşlığı təşviq etmək və Şərq Tərəfdaşlığı regionunun innovasiya potensialını gücləndirmək üzrə davam edən fəaliyyətləri çərçivəsində və ECCP ilə birgə tərəfdaşların axtarılması üzrə tədbirə onlayn qoşulmaq imkanı yaradır və Şərq Tərəfdaşlığı klasterlərinin tədbirdə iştirakını dəstəkləyir. 1 iyul saat 17:00-19:00 (Şərqi Avropa yay vaxtı) keçiriləcək sessiya çərçivəsində B2Match platforması vasitəsilə ikitərəfli virtual görüşlər təşkil olunacaq.
Güclü tərəflərini nümayiş etdirmək və gələcək əməkdaşlıq üçün imkanları araşdıra bilmələri üçün onlayn görüşlərdə ŞT klasterləri ilə onların Aİ tərəfdaşları arasında yeni əlaqələr qurulacaq. Daha böyük kütləyə tanınma, beynəlmiləlləşdirmə və strateji şəbəkələrin qurulmasına yönəlmiş bu tədbir xüsusilə əhatə dairələrini genişləndirməyə və əməkdaşlıq layihələrinə cəlb olunmağa çalışan təşkilatlar üçün dəyərli olacaq.
Qeydiyyatdan keçin
ŞT regionunda fəaliyyət göstərən klasterlər Avropa klaster ekosistemi ilə faydalı əlaqələr qurmaq üçün bu fürsətdən mütləq yararlanmalıdır.
Bu tədbirdə iştirak etməkdə maraqlısınızsa və ya bu iştirak imkanı haqqında daha çox məlumat almaq istəyirsinizsə, Anna Pobol <Anna.Pobol@gmail.com> və Miqle Baltrusayte <Migle.Baltrusaityte@lt.ey.com> ilə əlaqə saxlayın.
Əlavə məlumat
EU4Digital İKT, İnnovasiyalar və Startap ekosistemləri tematik sahəsinin fəaliyyətləri çərçivəsində innovasiya klasterlərini dəstəkləyir. Daha ətraflı məlumat öyrənmək üçün “İzahedici materiallar” adlı vebməzmuna və“İKT və innovasiyalar” adlı videoçarxa baxın, yaxud İKT və innovasiyalara dair nəşrləri oxuyun və EU4Digital proqramının İKT və innovasiyalar üzrə xəbərlərinə abunə olun.
Data in Global
Aİ-Azərbaycan tədqiqat və innovasiya əməkdaşlığı: təklif yazma düşərgəsi və ekspert məsləhətləşmələri
Jan 19, 2026
9-13 fevral tarixlərində Avropa Komissiyası Azərbaycandan tədqiqatçıları, innovatorları və Milli Əlaqə Nöqtələrini üç günlük Təklif Yazma Düşərgəsinə və iki günlük ekspert məsləhətləşmələrinə dəvət edir.
Azərbaycan növbəti iki ildə bərpa olunan enerjiyə təxminən 3 milyard dollar cəlb edəcək
Jan 05, 2026
Növbəti iki il ərzində Azərbaycanda 10 günəş və külək elektrik stansiyasının istismara verilməsi planlaşdırılır.
Azərbaycanda Aİ Gənclərinin İntellektual Müsabiqəsi
Jan 03, 2026
Aİ-nin Azərbaycandakı Nümayəndəliyi, Gənc Avropa Səfirləri (YEAs) ilə əməkdaşlıq çərçivəsində, 16-25 yaş arası gənc Azərbaycanlıları 2026-cı il Aİ Gənclər İntellektual Müsabiqəsində iştirak etməyə dəvət edir.
İspaniya İnnovasiya və Dizayn Biznes Görüşü
Nov 04, 2025
Sizi 11 noyabr 2025-ci il tarixində Bakıdakı Fairmont Otelində keçiriləcək İspaniya İnnovasiya və Dizayn Biznes Görüşünə dəvət etməkdən məmnunluq duyuruq.
Avropa Təamları Festivalına qatılın!
Oct 08, 2025
Sizi Avropa Kulinariya Festivalına dəvət edirik! Burada Avropanın ən dadlı yeməkləri, canlı yemək bişirmə şouları və əsl bayram ab-havası sizi gözləyir.
Go Net Zero Energy – Caspian and Central Asia Summiti
Sep 16, 2025
Mərkəzi Asiya və Xəzər regionunda keçirilmiş “Hidrogen Sammiti”nin uğuruna əsaslanaraq, qürurla təqdim edirik – ilk dəfə keçiriləcək Go Net Zero Energy - Caspian & Central Asia Summit – dayanıqlı və aşağı karbonlu enerji keçidinə yönələn əsas regional maraqlı tərəflərin görüş platforması.
Blue Book 2026: Avropa Komissiyasında beş aylıq təcrübə proqramlarında iştirak üçün müraciət edin
Jul 25, 2025
2026-ci ilin mart ayında başlayacaq təcrübə proqramlarına artıq qeydiyyat başlanıb.
EU4Digital ŞT klasterlərini “Klasterlərin regionlarla görüşü” adlı tədbirə dəvət edir
Jun 28, 2025
EU4Digital proqramı Şərq Tərəfdaşlığı (ŞT) ölkələrində fəaliyyət göstərən klaster təşkilatlarını 1-2 iyul 2025-ci il tarixində Rumıniyanın Kluj-Napoka şəhərində keçiriləcək “Klasterlərin regionlarla görüşü” adlı tədbirdə iştirak etməyə dəvət edir.
Avropa Rəqəmsal Bacarıqlar Mükafatı 2025
Jun 24, 2025
Avropa Rəqəmsal Bacarıqlar Mükafatı 2025 – iyulun 15-dək müraciət edin
Avropa Şəhərciyi – EuroVillage2025 Bakıda!
Jun 19, 2025
Avropa İttifaqı sizi “EuroVillage 2025” tədbirinə dəvət edir!
Yaşıl İnkişafı Gücləndirmək: Polşa-Azərbaycan Biznes Forumu
Nov 08, 2024
Yaşıl İnkişafı Gücləndirmək: Polşa-Azərbaycan Biznes Forumu Baku'da, Polşanın ayrı COP29 yan tədbiri olaraq, 18 noyabr tarixində saat 10:00-da Landmark Baku (90A Nizami küçəsi) Rotunda zalında keçiriləcək.
Mərkəzi Baltik və Azərbaycan Yaşıl Texnologiyalar və Dayanıqlılıq Forumu
Oct 14, 2024
17 oktyabrda Bakıda keçiriləcək Mərkəzi Baltik – Azərbaycan Biznes Forumu Latviyadan, Estoniyadan, Finlandiyadan və Azərbaycandan olan biznes liderləri, yenilikçilər və hökumət nümayəndələrini bir araya gətirərək dayanıqlı texnologiya sahəsində tərəfdaşlıqları araşdırmaq və gücləndirmək məqsədi daşıyır.
