Aİ Naxçıvanda İqlim və Enerji üzrə Merlər Razılaşmasına həsr olunmuş tədbir keçirəcək
Feb 08, 2026
Avropa İttifaqı Naxçıvanda İqlim və Enerji üzrə Merlər Razılaşmasına həsr olunmuş tədbir keçirəcək.
Bunu Trend-ə Avropa İttifaqının Azərbaycandakı səfiri Mariyana Kuyundziç 5-ci Avropa Bilik Yarışması çərçivəsində bildirib.
Onun sözlərinə görə, 2026-cı ildə Avropa İttifaqı Azərbaycanla əlaqəlilik sahəsində əməkdaşlığın genişləndirilməsini gözləyir.
"Əlaqəlilik - ilin sözüdür. Bu anlayış energetika və rəqəmsal infrastrukturdan tutmuş dəmir yollarına, avtomobil yollarına və bir çox digər sahələrə qədər geniş istiqamətləri ehtiva edir”,- deyə diplomat vurğulayıb.
Səfirin sözlərinə görə, hazırda Aİ ilə Azərbaycan arasında münasibətlər müsbət mərhələdədir və Avropa İttifaqı fəal əməkdaşlığı davam etdirməyə hazırdır.
Kuyundziç qeyd edib ki, 2026-cı il ərzində humanitar və təhsil əlaqələrinin möhkəmləndirilməsinə yönəlmiş bir sıra ənənəvi tədbirlərin keçirilməsi planlaşdırılır. Onların sırasında "Study in Europe", "Taste in Europe", "Eurovillage" və digər təşəbbüslər yer alır.
O həmçinin bildirib ki, növbəti tədbir Merlər Razılaşması proqramı çərçivəsində gələn həftə Naxçıvanda keçiriləcək.
Avropa İttifaqının (Aİ) İqlim və Enerji üzrə Merlər Razılaşması təşəbbüsü ilk dəfə 2008-ci ildə İqlim və Enerji Paketinin qəbul edilməsindən sonra Avropa Komissiyası tərəfindən dayanıqlı enerji siyasətinin hazırlanması və həyata keçirilməsində yerli özünüidarəetmə orqanları tərəfindən göstərilən səylərin dəstəklənməsi məqsədilə irəli sürüldü və 2015-ci ildən Merlər Razılaşması təşəbbüsü qlobal miqyas almağa başlayıb.
Merlər Razılaşmasının əsas hədəfləri aşağıdakılardan ibarətdir:
· enerji səmərəliliyi tədbirlərini həyata keçirmək və bərpa olunan enerji mənbələrindən istifadəni genişləndirməklə istilik effekti yaradan qaz (İEYQ) emissiyalarını azaltmaq;
· iqlim dəyişikliklərinə uyğunlaşmada dayanıqlılığı artırmaq;
· bələdiyyələr, yerli və mərkəzi icra hakimiyyəti orqanları arasında əməkdaşlığı gücləndirmək;
· hamı üçün təhlükəsiz, dayanıqlı və etibarlı enerjiyə əlçatanlığı təmin etmək.
Merlər Razılaşması yuxarıda qeyd olunan məqsədlərə nail olmaq niyyətində olan, həmçinin Aİ-nin iqlim və enerji məqsədlərinin yerinə yetirilməsi üzrə üzərinə könüllü təşəbbüslə çıxış edən yerli və regional idarəetmə orqanları tərəfindən imzalanır. Təşəbbüsə qoşulmuş idarəetmə orqanı inzibati ərazi vahidi üzrə Dayanıqlı Enerji və İqlim üzrə Fəaliyyət Planını (Sustainable Energy and Climate Action Plan – SECAP) hazırlamalı və həyata keçirməlidir. SECAP-ın həyata keçirilməsi Avropa İttifaqı, vətəndaş cəmiyyətləri, iqlim və enerji fondları, qeyri-hökumət təşkilatları və müxtəlif donorlar tərəfindən dəstəklənir.
“İçərişəhər” Dövlət Tarix-Memarlıq Qoruğu İdarəsi (2012-ci ildə) və Mingəçevir Bələdiyyəsi (2017-ci ildə) Merlər Razılaşmasına Azərbaycandan ilk qoşulanlardır. 2018-ci ilin 24 sentyabr tarixindən Azərbaycan Respublikasının Energetika Nazirliyi Aİ-nin İqlim və Enerji üzrə Merlər Razılaşmasının ölkə üzrə Milli Əlaqələndiricisi kimi müəyyən edilib.
SON XƏBƏRLƏR
Feb 09, 2026
Beynəlxalq tədbirdə Azərbaycanın nəqliyyat əlaqələrinin rəqəmsallaşdırılması ilə bağlı prioritetlərindən danışılıb
News
Azərbaycan nümayəndə heyəti İqtisadi Əməkdaşlıq və İnkişaf Təşkilatının Avrasiya Həftəsi çərçivəsində keçirilən plenar sessiyada iştirak edib.
Feb 08, 2026
Aİ Naxçıvanda İqlim və Enerji üzrə Merlər Razılaşmasına həsr olunmuş tədbir keçirəcək
News
Avropa İttifaqı Naxçıvanda İqlim və Enerji üzrə Merlər Razılaşmasına həsr olunmuş tədbir keçirəcək.
Feb 03, 2026
Aİ və Azərbaycan investisiya və əlaqələri artırmaq üçün əməkdaşlığı gücləndirir
News
Bu gün Avropa İttifaqı və Azərbaycan Aİ-nin Qlobal Qapı təşəbbüsü və bu yaxınlarda təqdim edilən Regionlararası Əlaqə Gündəliyi çərçivəsində tərəfdaşlıqlarını gücləndirmək barədə razılığa gəldilər.
Feb 02, 2026
Latviya Ticarət və Sənaye Palatası Azərbaycanla gələcək biznesin dəstəklənməsi layihələri üçün imkanları araşdırır (ÖZƏL)
News
Latviya Ticarət və Sənaye Palatası Azərbaycanla biznes-delegasiyaları və qarşılıqlı səfərləri iqtisadi əməkdaşlığın inkişafı üçün effektiv və özünü doğrultmuş alət kimi qiymətləndirir.
Jan 28, 2026
Azərbaycan və Aİ daha güclü iqtisadi əməkdaşlığa niyyətlidirlər
News
Azərbaycanın İqtisadiyyat naziri Mikayıl Cabbarov Avropa Komissiyasının Genişlənmə və Şərq Qonşuluğu üzrə baş direktoru Gert Yan Kupman ilə iqtisadi əməkdaşlığın gücləndirilməsinə diqqət yetirərək danışıqlar aparıb.
Jan 27, 2026
Azərbaycan Avropa ilə iki yeni enerji müqaviləsi imzalayıb
News
Azərbaycan Avstriya və Almaniya ilə iki yeni enerji təchizatı müqaviləsi imzalayıb və bununla da Avropanın əsas təchizatçısı kimi mövqeyini möhkəmləndirib.
Jan 22, 2026
Mikayıl Cabbarov: "Aİ ilə nəqliyyat-logistika infrastrukturunun inkişafı müzakirə olunub"
News
İsveçrədə keçirilən Dünya İqtisadi Forumunun 2026-cı il toplantısı (World Economic Forum 2026 – WEF 2026) çərçivəsində Azərbaycanla Avropa İttifaqı arasında iqtisadi əlaqələrin inkişafı və mövcud potensialın reallaşdırılması məsələləri müzakirə olunub.
Jan 21, 2026
Prezident Marta Kosla görüşüb
News
Azərbaycan Respublikasının Prezidenti İlham Əliyev yanvarın 21-də Davosda Avropa İttifaqının Genişlənmə üzrə komissarı Marta Kosla görüşüb.
Jan 16, 2026
“Xəzər-Qara dəniz-Avropa” Yaşıl Enerji Dəhlizi İtaliyanın elektrik enerjisindən faydalanmasına imkan yaradacaq
News
2032-ci ildən etibarən mərhələli şəkildə istismara veriləcək “Xəzər-Qara dəniz-Avropa” Yaşıl Enerji Dəhlizi Avropa bazarına ötürüləcək elektrik enerjisindən İtaliyanın da faydalanmasına imkan yaradacaqdır.
Jan 05, 2026
Dünya Bankı Azərbaycana birbaşa xarici investisiyalarla bağlı əsas çətinlikləri açıqladı
News
Dünya Bankı Azərbaycana birbaşa xarici investisiyalarla bağlı əsas çətinlikləri açıqlayıb.
Dec 18, 2025
AYİB AccessBank-a gənc sahibkarlara kreditlər vermək üçün 20 milyon ABŞ dolları ayırıb
News
Avropa Yenidənqurma və İnkişaf Bankı (AYİB) mikro, kiçik və orta sahibkarlığa (KOB) yönəlmiş aparıcı Azərbaycan banklarından biri olan AccessBank-a 20 milyon ABŞ dollarına (17,1 milyon avro) qədər kredit ayırır.
Dec 06, 2025
EBRD Azərbaycanın enerji sektorunun dekarbonizasiyası ilə bağlı tövsiyələr hazırlayıb
News
Energetika Nazirliyində "Azərbaycanda enerji sektorunun dekarbonizasiyasına yönəlmiş siyasət və texnologiyalar üzrə tövsiyələr" sənədinin təqdimatı keçirilib.
