Avropa Komissiyasının baş direktoru Cənubi Qafqaza səfər edəcək
May 02, 2024
Avropa Komissiyasının Qonşuluq Siyasəti və Genişlənmə Danışıqları üzrə Baş Direktoru Gert Jan Koopman ikitərəfli və regional əməkdaşlığın müzakirəsi və yeni layihələrin açılışı məqsədilə aprelin 30-dan mayın 4-dək Ermənistan, Gürcüstan və Azərbaycanda səfərdə olacaq.
Aprelin 30-da cənab Koopman Ermənistana səfər edəcək. Bu səfər aprelin 5-də baş tutmuş yüksək səviyyəli Avropa İttifaqı, ABŞ və Ermənistan görüşünün, həmçinin, Ermənistan üçün Dayanıqlılıq və İnkişaf Planının elan edilməsinin davamı kimi həyata keçirilir. Səfər zamanı baş direktor Avropa İttifaqı və Ermənistan əlaqələrinin gücləndirilməsi üçün növbəti addımları, o cümlədən, sektorlararası əməkdaşlığın və Aİ-nin ölkədə investisiyalarının artırılmasını, həmçinin, Aİ-nin islahatlara və məcburi köçkünlərin inteqrasiyasına dəstəyini müzakirə edəcək. O, baş nazir Nikol Paşinyan, o cümlədən, hökumət üzvləri, baş nazirin müavinləri Mher Qriqoryan və Tiqran Xaçatryan, parlament üzvləri, biznes və vətəndaş cəmiyyətinin nümayəndələri ilə görüşəcək. Cənab Koopman, həmçinin, Ermənistanın kənd ərazilərinin enerji səmərəliliyinə və dayanıqlı enerji həllərinə çıxışını yaxşılaşdırmaq üçün Aİ və Almaniyanın birgə layihəsinə start verəcək.
Mayın 1-i və 2-də cənab Koopman Avropa İttifaqı və Gürcüstan əməkdaşlığını, o cümlədən, Gürcüstanın Aİ-yə namizədliyi statusu ilə bağlı 9 addım üzərində işi müzakirə etmək məqsədilə Gürcüstana səfər edəcək. O, prezident Salome Zurabişvili, baş nazir İrakli Kobaxidze, o cümlədən, hökumət üzvləri, baş nazirin birinci müavini, iqtisadiyyat və davamlı inkişaf naziri Levan Davitaşvili və xarici işlər naziri İlya Darçiaşvili ilə görüşəcək. Həmçinin, parlament partiyalarının və vətəndaş cəmiyyətinin nümayəndələri, investisiya tərəfdaşları ilə görüş nəzərdə tutulur. Cənab Koopman tərəfindən Gürcüstanın suvarma şəbəkəsinin bərpasına yardım, bərpa olunan enerji istehsalına investisiyaların təşviqi və mikro, kiçik və orta müəssisələrə yerli valyuta ilə kredit verilməsinin dəstəklənməsi üçün Aİ tərəfindən maliyyələşdirilən bir neçə layihəyə start veriləcək.
Mayın 3-ü və 4-də cənab Koopman Azərbaycanın noyabrda ev sahibliyi edəcəyi COP29 iqlim dəyişikliyi konfransı ərəfəsində Avropa İttifaqı və Azərbaycan əməkdaşlığı, o cümlədən, regional əlaqələr və bərpa olunan enerjinin müzakirəsi məqsədilə Azərbaycana səfər edəcək. O, hökumət rəsmiləri, o cümlədən, Prezident Administrasiyasının Xarici siyasət məsələləri şöbəsinin müdiri Hikmət Hacıyev, iqtisadiyyat naziri Mikayıl Cabbarov, rəqəmsal inkişaf və nəqliyyat naziri Rəşad Nəbiyevlə görüşəcək. Baş direktorun rəhbərliyi ilə potensialın gücləndirilməsi, mina təhlükələri ilə bağlı maarifləndirmə və qurbanlara dəstəyin göstərilməsi kimi məsələlərin həllinə yardım məqsədilə Aİ Üzv Dövlətlərinin nümayəndələri ilə birlikdə Azərbaycanda minalarla mübarizə üzrə “Team Europe” təşəbbüsünə başlanacaq. Baş direktor, həmçinin, Avropa İnvestisiya Bankı (EIB) ilə birlikdə mikro, kiçik və orta müəssisələrin maliyyə inklüzivliyinin yaxşılaşdırılması ilə bağlı Aİ-nin dəstəyinə də start verəcək.
Latest
Nov 05, 2024
Avropa İttifaqı COP29 tədbirində
News
Sizi Aİ-nin iqlim üzrə öhdəliklərini yerinə yetirmək üçün ölkə daxilində və dünya miqyasında nə etdiyini kəşf etməyə dəvət edirik.
Oct 15, 2024
Avropa İttifaqı-Türkiyə Azərbaycan İnvestisiya Görüşü, 2024
News
“Avropa İttifaqı-Türkiyə Azərbaycan İnvestisiya Görüşü, 2024” adlı tədbir 30-31 oktyabr 2024-cü il tarixlərində Azərbaycanın Lənkəran şəhərində yerləşən Lənkəran Springs Oteldə keçiriləcək.
Oct 01, 2024
COP29 ərəfəsində Bakıda "NORDIC TALKS" təşəbbüsünə start verildi
News
COP29 ərəfəsində Şimali Avropa ölkələrinin səfirlikləri Bakıda "NORDIC TALKS" təşəbbüsünə start verdi
Sep 27, 2024
EU4Digital ESCA müqayisəli təhlil və keyfiyyət nişanı üçün Şərq Tərəfdaşlığı ölkələrindən klasterlər seçib
News
EU4Digital proqramı Şərq Tərəfdaşlığı ölkələrindən beş innovasiya klaster idarəetmə təşkilatının seçildiyini və onlara Klasterlərin təhlili üzrə Avropa Katibliyinin (ESCA) müqayisəli yoxlamasından keçmək və keyfiyyət nişanını almaq üçün lazımi dəstək veriləcəyini elan edib.
Jul 09, 2024
Azərbaycan Prezidenti İqtisadiyyat Nazirliyinə yeni səlahiyyətlər verir - FƏRMAN
News
Azərbaycan Respublikası Prezidenti İlham Əliyev “Azərbaycan Respublikası tərəfindən Avropa Komissiyasının Qeydiyyatdan Keçmiş İxracatçılar Sisteminin istifadəsi ilə bağlı bəzi məsələlər haqqında” Fərman imzalayıb, APA xəbər verir.
Jul 01, 2024
Birinci Polşa-Azərbaycan İnnovativ Maliyyə Forumu keçirilib
News
Birinci Polşa-Azərbaycan İnnovativ Maliyyə Forumu 2024-cü il iyunun 27-də onlayn keçirilib və Polşanın Bakıdakı Səfirliyi, Fintech Poland, Azərbaycan Fintech Assosiasiyası və Azərbaycan Banklar Assosiasiyası tərəfindən təşkil edilib.
Jun 04, 2024
Aİ-Azərbaycan Biznes Forumu 2024-2026 layihəsinin açılış tədbiri keçirildi
News
29 may 2024-cü il tarixində COWI Belgium Azərbaycan-Fransa Ticarət və Sənaye Palatası (AFPalata) və InvestBaku ilə birgə Avropa İttifaqı tərəfindən maliyyələşdirilən Aİ-Azərbaycan Biznes Forumu 2024-2026 layihəsinin Açılış Tədbirini keçirdi.
May 30, 2024
İnnovasiya və Sahibkarlıq: Tallinnin Latitude59 Tədbirindən Baxışlar
News
Əzizağa Atakişiyev, Yaşıl Vet Mütəxəssisi, Tallinnin Latitude59 tədbirindəki son təhsil turu haqqında öz təəssüratlarını bölüşür.
May 08, 2024
Azərbaycan: EIB Global və Bank Respublika kiçik bizneslər üçün maliyyəyə çıxışı artırmaq üçün 10 milyon avro məbləğində kredit müqaviləsi imzalayıb
News
EIB Global, Avropa İnvestisiya Bankının (EIB) Avropa İttifaqı xaricində maliyyələşdirmə fəaliyyətləri üzrə qolu, Azərbaycanda kiçik və orta ölçülü biznesləri (KOB) dəstəkləmək üçün Bank Respublika ilə 10 milyon avro məbləğində kredit müqaviləsi imzalayıb.
May 02, 2024
Avropa Komissiyasının baş direktoru Cənubi Qafqaza səfər edəcək
News
Avropa Komissiyasının Qonşuluq Siyasəti və Genişlənmə Danışıqları üzrə Baş Direktoru Gert Jan Koopman ikitərəfli və regional əməkdaşlığın müzakirəsi və yeni layihələrin açılışı məqsədilə aprelin 30-dan mayın 4-dək Ermənistan, Gürcüstan və Azərbaycanda səfərdə olacaq.
Mar 15, 2024
Komissar Kadri Simson: “Biz təmiz enerjini Aİ və Azərbaycan arasında münasibətlərin mühüm hissəsinə çevirdik”
News
Martın 1-də Bakıda Avropa İttifaqının energetika məsələləri üzrə komissarı Kadri Simsonun sədrliyi ilə Aİ-Azərbaycan Yaşıl Enerji Məşvərət Şurası çərçivəsində nazirlərin 2-ci iclası keçirilib.
Mar 09, 2024
Qadınlara dəstək: Aİ-nin işgüzar qadınlara dəstəyi diqqət mərkəzində
News
“EU NEIGHBOURS east” layihəsi bu il Beynəlxalq Qadınlar Günü ilə əlaqədar olaraq həyata keçirdiyi kampaniya çərçivəsində Azərbaycan, Ermənistan, Gürcüstan, Moldova və Ukraynada bizneslə məşğul olan qadınlar üçün mövcud olan bütün imkanları bir sıra izahedici materiallarda toplayıb.
