Nov 23, 2024

Yaşıl İnkişafı Təşviq: Bakıda Polşa-Azərbaycan Biznes Forumu

18 noyabr 2024-cü il tarixində "Yaşıl İnkişafı Təşviq: Polşa-Azərbaycan Biznes Forumu" Bakıda keçirildi. Tədbir, Azərbaycanın paytaxtında keçirilən COP29 iqlim sammitinin çərçivəsində Polşa Respublikasının İqlim və Ətraf Mühit Nazirliyi və Polşanın Bakıdakı Səfirliyi tərəfindən təşkil olunmuşdur.

Konfransı Polşa Respublikasının İqlim və Ətraf Mühit Nazirliyinin Dövlət Katibi Kşiştof Bolesta və Polşanın Azərbaycandakı müvəqqəti işlər vəkili Mixal Greçilo giriş nitqləriylə açdılar.

Tədbir çərçivəsində GreenEvo Yaşıl Texnologiya Akseleratoru ilə əlaqəli Polşa şirkətləri öz innovativ həllərini təqdim etdilər: PROTE, SYMBIONA, AGATA, DAGAS, həmçinin Ətraf Mühit Mühəndisliyi üzrə Yeni Texnologiyalar İnstitutu və Enerji Mühəndisliyi İnstitutu. Tədbir iştirakçıları həmçinin PGE Qrupunun İdarə Heyətinin Sədri Daryuş Marzets, Polşa Banklar Assosiasiyasının vitse-prezidenti Aqneşka Vaşnicka, BGK Bankının Beynəlxalq Əməkdaşlıq üzrə direktoru Yoanna Veqjin və Azərbaycanın Sahibkarlar (İşəgötürənlər) Milli Konfederasiyası prezidentinin müşaviri Ziya Hacılının çıxışlarını dinləmək imkanı qazandılar.